شلالة العذاورة خصوها الرجال لي يضربو عليها الطابلة لكان حنا الشعب عرفنا منهار لول علامن ننتخبو ولكان حطينا كل واحد في بلاصتو مانوصلوش لشي هذا ، ولات الفتنة فالبلاد وتقسم الشعب ولا الكره والحسد والغش ، أولادنا فالمدارس ضايعين لا قراية ، لا إطعام ، البلاد داخّلة في حيط لا مجلس بلدي لا رئيس دائرة لا نظافة لا تنمية لا مشاريع لا طرق وطنية ، لا ثكنات عسكرية لا محكمة لا مناطق صناعية لا خدمة لا والو ، شباب ضائع ، الموقع الإستراتيجي متوفر لكن لا وجود للأساسيات والكماليات وحنا مازالنا في التبعية ، كيفاه نحوسو على الخير لبلادنا ولي حاكمينها ناس إنتقاميين ساكنهم الشر ... الرجال ماتو على جالها، وبقاو فيها غير ولاد ديڨول ( بياعين دينهم ) ... ريبوها وقتلو ولادها وعاشو فيها غير ولاد الزرَّامين ، ولاد الأصل واللَّه ماباعو بلادهم واللَّه ماسمحو فيها ، مي ولاد الشريف بن السعيدي الشكامين بـ كاسكروط يبيع روحو ... كيفاه تحبو مايبيعش بلادو وماينكرش أصلو ؟ القضية قضية مبدأ كاين ناس ماعندهم لا ضمير لاكرامة ... يبيع الذمة تاعو برونديلا كـاشير أمبعد يجي قلك إنتخب هههههههه قوم جياع ( جائعين فكريا ) ، ماجينو يخصوها ناس أكفاء ، ناس مخلصين مع ربي ومع أنفسهم ياو راه كلش باين ملي ولاو السراقين والحرك والأمِّيين هوما أعيان لبلاد هوما لي يمشو فالبلاد ... ناس عندها 5 أشهر وهي حاصلة مع لكارلاج وطروطوار وزيڨوات ( حاشاكم ) بلاد كومبلي بعجوها وسرقوها ويحوسو على ولاية منتدبة ( خص العمية غير الكحل ) لبلاد باعوها يا محمد الحسن طهاري ، باعوها يا قدور لشرف ، باعوها يا يحي سيبع لبلاد باعوها يا طهاري محمد الشيخ ، باعوها يا المختار بولبداوي ، باعوها يا علي حمادي ، باعوها يا عيسى حمادي ، باعوها يا النذير دراجي ... باعوها لي قتلوكم واليوم هوما ولاو مجاهدين .
اترك تعليقا:
